हामी सबैकाे संसारन्यूज

१० चैत्र, चितवन । चितवनको भरतपुर १ आँपटारी चोक (पूर्व पश्चिम राजमार्ग) को प्रहरी चेक पोइन्ट नजिक आधुनिक यात्रु प्रतिक्षालयको निर्माण हुने भएको छ ।

लायन्स क्लब अफ भरतपुर इन्द्रेणीको आयोजना र अक्सफोर्ड कलेज इन्जिनियरिङ म्यानेजमेन्ट गैंडाकोटको बिशेष आर्थिक सहयोगमा निर्माण हुन लागेको प्रतिक्षालयको विधिवत शिलान्यास गरिएको छ ।

चैत ९ गते बिहान लायन्स क्लब अफ ईन्टरनेस्नल डिष्ट्रिक 325B2 का प्रथम भाइस गभर्नर ला रामप्रसाद भट्टको प्रमुख आतिथ्यता तथा क्लबका पूर्व गभर्नर राजकुमार श्रेष्ठ, यरिया नं ३ का चिफ ला प्रभाकर पण्डित, सिनियर ला. दिनानाथ नेउपाने, सिनियर ला सिद्धाथ चुके, ला मेघराज कंडेल र दाताको तर्फबाट कलेजका प्रिन्सिपल हरि भण्डारीको समेत बिशेष उपस्थितिमा प्रतिक्षालयको सिलान्यास गरिएको थियो ।

क्लबका संस्थापक अध्यक्ष द्रोण शिवाकोटीको अध्यक्षतामा सम्पन्न सो कार्यक्रमको संचालन ला त्रिलोचन सापकोटाले गरेका थिए ।