हामी सबैकाे संसारन्यूज

१७ चैत, काठमाडौं । सरकार र थारु कल्याणकारी सभासहित आन्दोलनरत थरुहट संघर्ष समितिबीच वार्ता सुरु भएको छ ।

वार्तामा सरकारका तर्फबाट गृहमन्त्री राम बहादुर थापा ‘वादल’ प्रधानमन्त्रीका परराष्ट्र मामिला सल्लाहकार राजन भट्टराई, पूर्वसभासद् भगवती चौधरी र संघर्ष समितिका तर्फबाट प्रेमलाल चौधरी, पदम नारायण चौधरी, चन्द्रबहादुर चौधरी, प्रभात चौधरी रहेका छन् ।

टिकापुर घटनाको अभियोगमा कारागारमा सजाय भोगिरहेका समाजवादी पार्टीका सांसद रेशम चौधरीको रिहाइ लगायतका विषयमा आजको वार्ता केन्द्रीत रहने श्रोतले जनाएको छ ।

सांसद चौधरीको रिहाइ लगायत १९ बुँदे माग राखेको थारु कल्याणकारी सभाका पदाधिकारीहरुसँग वार्ता गर्नका लागि सरकारले गृहमन्त्री राम बहादुर थापा बादलको नेतृत्वमा वार्ता समिति गठन गरेको थियो ।

थारु सभासँग वार्ता गर्न गृहमन्त्रीको संयोजकत्वमा वार्ता समिति गठन