Sansar News
१९ चैत, काठमाडौं । नेकपा माओवादी केन्द्रको स्थायी कमिटीको बैठक केन्द्रीय कार्यालय पेरिस डाँडामा बस्दैछ ।
बिहीबार ९ बजे बस्ने भनिएको उक्त बैठकमा नेताहरु आउने क्रम जारी रहेको केन्द्रीय कार्यालयका सचिव श्रीराम ढकालले संसारन्युजलाई जानकारी दिएका छन् ।
ढकालका अनुसार राजधानीमा उपलब्ध स्थायी कमटी सदस्यहरुको बैठक बस्ने भएको हो । बैठकमा पछिल्लो राजनीतिक घटना क्रमका समसामयिक विषयमा छलपल हुनेछ ।
‘राजधानीमा उपलब्ध साथीहरुको बैठक बस्ने भएको हो । अध्यक्ष लगायत नेताहरु आउने क्रम जारी छ । बैठकमा पछिल्लो राजनीतिक घटनाक्रम लगायतका समसामिक विषयमका छलफल हुनेछ ।’ ढकालले भने ।
गत फागुन २३ गते सर्वोच्च अदालतले नेकपा नामको विवादमा ऋृषि कट्टेलको पक्षमा फैसला गर्दै एमाले र माओवादी केन्द्र व्युँत्याइदिएपछि अध्यक्ष पुष्पकमल दाहाल लगायतका नेताहरु सर्वोच्चमा पुगेर मंगलबार फैसला पुनरावलोकनका निवेदन दिएका थिए ।
त्यस्तै माओवादी केन्द्रका प्रमुख सचेतक देव गुरुङले बुधबार प्रतिनिधिसभाको बैठकमा बोल्दै प्रधानमन्त्रीले चैत २३ गतेभित्रमा संसदबाट विश्वासको मत लिनुपर्ने बताएका थिए ।
वि.सं.२०७७ चैत १९ बिहीवार ०९:३५ मा प्रकाशित
