हामी सबैकाे संसारन्यूज

२० चैत, काठमाडौं । गतवर्ष विश्वव्यापी महामारीको रुपमा फैलिएको कोरोनाको प्रभाव एकवर्ष वितिसक्दा पनि केही देशमा भयावहको रुपमा नै फैलिइरहेको छ । पछिल्लो दिनमा युरोप, अमेरिका तथा भारत लगायतका देशमा यो घट्ला भन्दा झन बढिरहेको तथ्यांक सार्वजनिक भएका छन् । फान्स लगायतका केही देशमा लकडाउनको घोषणा समेत गरिएका छन् ।

त्यस्तै छिमेकी मुलक देश भारतमा कोरोनाको प्रभावज घट्ला भन्दा बढीरहेको छ । भारतमा २४ घण्टामा ८१ हजार बढी कोरोना संक्रमित थपिएका छन् ।

भारतका विभिन्न राज्यमा विहीबार मात्रै ८१ हजार ३९८ जनामा कोरोना संक्रमण भएको छ भने ४६८ जनाको निधन भएको त्यहाँको स्वास्थ्य मन्त्रालयले जनाएको छ ।

यो तथ्यांक अक्टोबर यताकै सबैभन्दा बढी हो । अक्टोबरमा १ मा ८१ हजार ७८५ जनामा संक्रमण भएकोमा विहीबार ८१ हजार ७८५ मा संक्रमण भएको हो । एकैदिन संक्रमति हुने यो संख्या ६ महिनायताकै बढी रहेको बताइएको छ ।

हालसम्म १ करोड २३ लाख संक्रमित, १ लाख ६३ हजारको निधन
भारतमा हालसम्म १ करोड २३ लाख व्यक्ति कोरोना संक्रमित भइसकेका छन् । जसमा १ करोड १५ लाख निको भइसकेका छन् भने १ लाख ६३ हजारले कोरोना संक्रमणबाट ज्यान गुमाएको कोभिड १९ इण्डिया डट ओआरजीले जनाएको छ ।

कुन राज्यमा बढ्दो छ त संक्रमण
भारतमा पछिल्लो अवस्थामा महाराष्ट्र राज्यमा सबैभन्दा बढी संक्रमित हुनेको संख्या बढीरहेको छ । त्यहाँ विहिबार मात्रै ४० हजार बढी संक्रमित भएका छन् । त्यहाँ बिहीबार ४३ हजार १८३ जना संक्रमित थपिएका हुन् भने २४९ जनाको निधन भएको छ । साथै ३२ हजार ६४१ संक्रमित निको भएको तथ्यांक रहेको छ ।

भारतीय संचारमाध्यमका अनुसार महाराष्ट्रमा मात्रै संक्रमित हुनेको संख्या २८ लाख ५६ हजार रहेको छ । जसमा २४ लाख ३३ हजार निको भइसकेका छन् भने त्यहाँ हालसम्म ५४ हजार ८९८ जनाको निधन भइसकेको छ ।
महाराष्ट्रमा हाल ३ लाख ६६ हजार सक्रिय संक्रमितको उपचार भइरहेको छ ।

त्यस्तै विहिबार पन्जाब राज्यमा ३ हजार १६१ संक्रमित हुनुका साथै ५८ जनाको निधन भएको छ । त्यहाँ हालसम्म २ लाख ४२ हजारमा संक्रमण भइसकेको छ भने २ लाख ११ हजार निको भइसकेका छन् । पन्जाबमा २४ हजार ६४४ जना सक्रिय संक्रमित रहेका छन् भने ६ हजार ९२६ जनाको निधन भएको तथ्यांक रहेको छ ।

त्यस्तै दिल्लीमा विहिबार २ हजार ७९० जनामा संक्रमण भएको छ भने ९ जनाको निधन भएको छ । दिल्लीमा हालसम्म ६ लाख ६५ हजार संक्रमित भएका छन् भने ६ लाख ४३ हजार निको भइसकेका छन् । त्यहाँ हाल १० हजार ४९८ सक्रिय संक्रमित रहेका छन् भने ११ हजार ३६ जनाले ज्यान गुमाइसकेका छन् ।

त्यस्तै मध्ये प्रदेशमा विहिबार २ हजार ५४६ जना संक्रमित, १२ जनाको निधन भएको छ भने गुजरातमा २ हजार ४१० संक्रमित र ९ जनाको निधन भएको छ । साथै राजस्थानमा १ हजार ३५० संक्रमित थपिएका छन् भने ४ जनाको निधन भएको तथ्यांक रहेको छ ।