-->
Logo
१९ असार २०७९, आईतवार
     Sun Jul 3 2022
E-paper
  English Edition
   Unicode
Logo

कविता: मलाई हली चाहिएको छ



गोरूको बहर दाउने हैन
सिङ्गो देशका जनता दाउने
जसलाई जोतेर
धर्तिमातामा राटाहरू मेटाउने
उर्वरायुक्त जमिन
सधै अनाज उमार्ने
देशको माटोमा
मलाई हली चाहियो ।

सबै साँडेहरू झै
मातिएका छन् जनता
रोजगार छैन्
पिता पुर्खाले आर्जेको धर्ति
चौपट्ट बाँझो छ
तिघ्रेहरू यत्रतत्र भौतारिएका छन्
त्यसैले राष्ट्रको उर्वरा गर्न
चिम्टिएको माटोलाई
रुवा जस्तै फुर्फुराउदो पार्ने
मलाई हली चाहियो ।

धमिराहरूले पनि माटोलाई
खुकुलो पार्न सकेनन्
आजकलका धमिराहरू
पहिला जस्तो खुकुलो पार्न सक्दैनन्
कोच्चिएर र चेप्टिएर बसेका छन्
आफ्नै मौनतामा आवाज दविएर
लालची र लाचारी बनेका छन्
हो ! मेरो चञ्चलतामा अब
मलाई हली चाहियो ।

गड्यौला युक्त कृतिम मल झै
स्वस्थ र फुर्तिलो बनाउने
रोग निरोधक खाना
देशमा चम्किएको राजनीतिक
क्यान्सर हटाउन धर्तिमा
युरिया र डिएपिले किटिएको माटोमा
राजनीतिले रोगिएको भुँई आमैमा
भ्रष्टाचारका राटा मेटाउने
हो ! मलाई साच्चिकै
मेरो देश बनाउन गोरु दाउने
हली चाहिएको छ ।


यो खबर पढेर तपाईलाई कस्तो महसुस भयो ?

काठमाडौं । नेकपा एमालेले पार्टीका विभिन्न केन्द्रीय विभागका सचिविहरु मनोनयन गरेको छ । पार्टीको

काठमाडौं । स्थानीय तहको निर्वाचनमा नेकपा (माओवादी केन्द्र)ले मधेश प्रदेश निकै नै अनपेक्षित नतिजा

काठमाडौं । नेकपा माओवादी केन्द्रको केन्द्रीय समितिको बैठक आजदेखि सुरु भएको छ । काठमाडौंको

काठमाडौं । नेपाल प्रहरीले जनपद तर्फको प्रहरी जवान पदमा ठूलो संख्यामा भर्ना खुलाएको छ