हामी सबैकाे संसारन्यूज

२१ चैत्र, काठमाडौँ । काठमाण्डौ जिल्ला नागार्जुन नगरपालीका वडा न ७ का वडा अध्यक्ष रमेश प्रसाद गौतमले गत साउनमा बाढीद्वारा भत्कीएको पर्खाल पुननिर्माण कार्यको शुभारम्भ गरेका छन् ।

नागार्जुन ७ मनमति करीडोरमा स्थापित देउराली टोल सुधार समिति र नागार्जुन नगरपालीकाको ५० ५० प्रतिशतमा संझौता भएको सो २१ मिटर लामो पर्खालको पुननिर्माण कार्य शनिवार बिहान शुरु गरिएको हो ।

शुभारम्भका अवसरमा अध्यक्ष गौतमले जग्गाधनी र टोलवासीहरुको सक्रियता र क्रियाशिलताले नै बिकास हुने हो भन्दै मिलेर सहकार्य गर्न वडा र पालिका संधै तत्पर रहेको बताएका थिए । सो टोलका अध्यक्ष बाबुराम खनालले उक्त पर्खाल निर्माणसँगै खोल्सातर्फ ह्यूम पाइप जडान, पहिरोबाट जग्गा संरक्षण एवम् बाटो ग्राभेलिङ गर्ने कार्य क्रमशः प्राथमिकतामा पारी सो टोलका विविध समस्यालाई सामूहिक रुपमा समाधानको प्रयास गर्ने बताएका छन ।

टोल सुधारका सचिव प्रेम बिष्टले १२ लाखको इष्टिमेटमा उपभोक्ताहरुले ६ लाख र नगरपालीकाले ६ लाख ब्यबस्था गरेको बताए भने अनुगमन समितिका संयोजक प्रदिप रेग्मीले पालीकाबाट बिपद् सहयोग थपिने आशा ब्यक्त गरे ।

समितिका कोषाध्यक्ष सबिता अधिकारी घिमीरेका अनुसार वाल निर्माण तथा बाटो सुचारु कार्य गर्न बढी प्रभावित, प्रभावित र सामान्य प्रभावित गरी निर्माण सहयोग अभियान चलाइरहेकोले देउराली टोल सुधार समिति (कामना सेवा विकास बैंक खाता नं १२५१४१००३९०३१२०००००१) को खातामा रकम जम्मा प्रक्रिया चलिरहेको छ । समितिका उपाध्यक्ष अनिल गुरुंगका अनुसार सो टोल समिति नागार्जुन नगरपालीका ( नगरपालिका दर्ता नं. १३/०७७/७८ ) मा दर्ता रहेको छ ।