Sansar News
२२ चैत्र, काठमाडौँ । नेकपा (एमाले)को माधव नेपाल–झलनाथ खनाल समूहले काठमाडौंमा समानान्तर कमिटी बनाएकाे छ ।
देशभर समानान्तर कमिटी बनाउने कार्यलाई तीव्रता दिँदै आएको सो समूहले काठमाडौँमा पनि समानान्तर कमिटी गठन गरेकाे हाे ।
आइतबार सम्पन्न काठमाडौ जिल्लास्तरीय कार्यकर्ता भेलाले बागमती प्रदेश सभाका सदस्यसमेत रहेका वसन्त मानन्धरको नेतृत्वमा कमिटी घोषणा गरेको हो ।
जसको उपाध्यक्षमा शोभा सापकोटा, सचिव कुसुम कार्की र उपसचिव लक्ष्मीप्रसाद श्रेष्ठ रहेका छन् ।
संस्थापन समूहको अध्यक्ष भने कृष्ण राई रहेका छन् । राई संघीय सांसद हुन् ।
काठमाडौँमा शनिबार बसेको नेपाल पक्षधर स्थायी कमिटी बैठकले पार्टी संगठन निर्माण र सुदृढीकरणका लागि दुई महिने कार्यक्रम घोषणा गरेको थियो । बैठकले ‘एमालेको एकता जोगाऔँ, कम्युनिस्ट आन्दोलनको रक्षा गरौँ’ नारासहित चैत १५ देखि असार १५ सम्म दुई महिना अभियान कार्यक्रम सार्वजनिक गरेको थियो ।
वि.सं.२०७७ चैत २२ आइतवार १७:२६ मा प्रकाशित
