हामी सबैकाे संसारन्यूज

२३ चैत, काठमाडौं । स्वास्थ्य तथा जनसंख्या मन्त्री हृदयदेश त्रिपाठीले जेठ–असारसम्ममा कोरोना संक्रमण उच्च बिन्दुमा पुग्न सक्ने बताएका छन् ।

सोमबार संसदको बैठकलाई सम्बोधन गर्दै मन्त्री त्रिपाठीले पछिल्ला दिनमा कोरोना संक्रमण बढ्दै गएको र जनस्वास्थ्यका मापदण्डलाई प्रभावकारी बनाउन नसकेमा संक्रमण बढ्दै जेठ–असारमा उच्च विन्दुमा पुग्न सक्ने बताए ।

पछिल्ला दिनमा छिमेकी मुलुकमा कोरोना संक्रमण तिब्ररुपमा बढ्दै गएको अवस्थामा थप सजग र सर्तक हुनुपर्ने बताउँदै मन्त्री त्रिपाठीले भने– ‘कोरोना नियन्त्रणका लागि आवागमनलाई थप व्यवस्थित गर्दै रोगको शिघ्र पहिचान, आइसोलेशन, संकास्पद व्यक्तिलाई अनिवार्य क्वारेन्टिन र जनस्वास्थ्को पूर्ण पालना गर्न सकेमा महामारीलाई नियन्त्रणमा राख्नुका साथै समयका हिसावले पर धकेल्नका लागि सबैको ध्यान जानु जरुरी छ ।’ सम्बोधनका क्रममा मन्त्री त्रिपाठीले भने ।