Logo
११ असार २०७९, शनिबार
     Sat Jun 25 2022
E-paper
  English Edition
   Unicode
Logo

सांसद कँडेलको गोकुल बाँस्कोटालाई जवाफ ‘जस्ता गुरु, त्यस्तै चेला’



३ चैत, काठमाण्डौ । प्रतिनिधि सभाको बैठकमा नेपाली कांग्रेसका सांसद देवेन्द्रराज कँडेलले नेकपा एमालेका सांसद गोकुल बाँस्कोटालाई ‘जस्ता गुरु, त्यस्तै चेला’ भन्दै घोचपेच गरेका छन् । उनीभन्दा पहिला बोलेका बास्कोटाले सरकारले गरेको काम नदेखेको भन्दै काम नदेख्ने कसरी सांसद बनेको भनि विपक्षि दलका सांसदहरुलाई प्रश्न गरेपछि उनले जवाफमा यस्तो भनेका थिए ।

विशेष समयमा बोल्नुभएका कँडेलले सुरुमै बाँस्कोटातर्फ लक्षित गरेर भने, ‘जस्ता गुरु, त्यस्तै चेला ।’ त्यसपछि कँडेलले २०७४ सालको चुनाव प्रचारको क्रममा एमाले अध्यक्ष केपी शर्मा ओलीले शेरबहादुर देउवालाई कांग्रेसको अन्तिम प्रधानमन्त्री भन्दै कार्यकर्तालाई समवेदना दिएको स्मरण गरेका थिए ।

उनले प्रधानमन्त्रीलाईनै लक्षित गर्दै देशको प्रधानमन्त्री भइसकेको व्यक्ति र पार्टीको अध्यक्ष जस्तो पदमा बसेर के बोल्ने, के नबोल्ने भन्ने कुरा ओलीलाई ज्ञान नभएको पनि बताए ।

उनले ओलीको व्यवहारका कारण उनका साथमा रहेका सबैले साथ छोड्दै गएको पनि बताए । ‘पछिल्लो समयमा ओलीका अभिव्यक्ति सुन्ने हो भने हामी आफैलाई लाज लाग्छ, ओलीका यस्तै अभिव्यक्तिले गर्दा उहाँसँगै लडेका कैयौँ साथीले छाडिसके, आफ्नै साथीलाई उहाँले पन्छाउनुभएको छ, कुर्सी छाड्नुपर्ने हो कि भन्ने पीडाले उहाँलाई सताएको छ, गोरखामा उहाँले शेरबहादुर देउवालाई जे भन्नुभएको थियो, त्यही शब्दमा हामीले भन्ने हो भने, सायद एमालेको अन्तिम प्रधानमन्त्री केपी ओली नै हुन् ।’


यो खबर पढेर तपाईलाई कस्तो महसुस भयो ?

काठमाडौं । नेपाल राष्ट्र बैंकले आजको नेपाली बजारमा विदेशी मुद्राको भाउ यसप्रकार तोकेको छ

लुम्बिनी । बुटवल उपमहानगरपालिकाले आर्थिक वर्ष २०७९÷०८० का लागि रु दुई अर्ब ३५ करोडको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा

काठमाडौं । रुस र युक्रेनबीचको युद्ध ४ महिना बितिसक्दा पनि जारी छ । पछिल्ला