Sansar News
२३ चैत्र, काठमाडौँ । नेकमा एमालेका प्रमुख सचेतक विशाल भट्टराईले पार्टीमा समानान्तर गतिविधि गर्ने र समानान्तर कमिटीमा बसे कारबाही हुने बताएका छन् ।
सोमबारको प्रतिनिधिसभाको बैठकपछि पत्रकारहरुसँग कुरा गर्दै सचेतक भट्टराईले माधव–झलनाथ समूहमा लागेर समानान्तर कमिटी गठन गर्न उद्दत हुने तथा समानान्तर कमिटीमा बस्ने सबैलाई कारबाही गर्ने बताएका हुन् ।
समानान्तर कमिटी गठन गर्ने कुरा पार्टीलाई स्वीकार्य नहुने बताउँदै उनले भने, ‘जसरी हिजोका दिनमा केही नेतृत्वका व्यक्तिहरुलाई कारबाहीको प्रक्रिया अघि बढेको छ अब यही तरिकाले जाने हो भने समानान्तर कमिटी गठन गर्न उद्दत हुने र त्यो कमिटीमा बस्नेहरु समेतलाई कारबाहीको दिशामा पार्टी अगाडि बढ्छ ।’
वि.सं.२०७७ चैत २३ सोमवार १९:४३ मा प्रकाशित
