हामी सबैकाे संसारन्यूज

२४ चैत, काठमाडौं । गैरआवासीय नेपाली संघ पोर्चुगलले नक्कली टिकट बेचेर नेपालीलाई विचल्ली पारेको भन्दै आफ्नै कोषाध्यक्षलाई निलम्बन गरेको छ ।

संघका कोषाध्यक्ष विक्रम जंग कुँवरले कुँवरले संचालन गर्दै आएको लक्ष्मी ट्राभल्सबाट टिकट लिई अप्रिल ५ का दिन नेपाल उड्न लागेका एकदर्जन भन्दा बढी नेपालीहरु लिस्वन एयरपोर्टमा विचल्ली परेको एनआरएनएले जनाएको छ ।

‘अप्रिल ५ का दिन यस गैरआवासीय नेपाली संघ पोर्चुगलका कोषाध्यक्ष श्री बिक्रम जंग कुँवरले संचालन गर्दै आएको लक्ष्मी ट्राभल्सबाट टिकट लिई आज नेपाल उडानको तयारी गरी लिस्बन एयरपोर्ट पुगेका एक दर्जन भन्दा बढी मानिसहरु टिकट नक्कली भएको जानकारी एयरपोर्टको टिकट रुजु गर्ने कर्मचारीले जनाए पश्चात उहाँहरु सबैजना एयरपोर्टबाट फिर्ता भएको खबर पोर्चुगलबाट सन्चालन हुने केही अनलाइन मिडियामा पीडितको गुनासो सहितको भिडियो र सामाजिक संजालमा आएको समाचारले एनआरएनए पोर्चुगलको गम्भिर ध्यानाकर्षण भएको छ ।’ संघका अध्यक्ष तिलक प्रसाद गैरे र महासचिव हेमराज सुवेदीले सोमबार जारी गरेको बिज्ञप्तिमा भनिएको छ ।