Sansar News
काठमाडौँ । #Home_Ministry_Nepal: सरकारले सहसचिव, प्रमुख जिल्ला अधिकारी र उपसचिवहरुको पदस्थापन र सरुवा गरेको छ ।
चैत २६ को गृहमन्त्रीस्तरीय निर्णयअनुसार विभिन्न जिल्लाका प्रमुख जिल्ला अधिकारी, मन्त्रालयका सहसचिव तथा उपसचिव गरी २६ कर्मचारीको सरुवा गरिएको हो ।
गृहमन्त्रालयका सहसचिव नारायणप्रसाद भट्टराई अध्यागमन विभागको महानिर्देशकमा सरुवा भएका छन् । सहसचिव शिवराम गेलाललाई बाँकेको प्रजिअ, धर्मेन्द्र मिश्रलाई नवलपरासी पश्चिमको प्रमुख जिल्ला अधिकारीमा सरुवा गरिएको छ ।
अर्का सहसचिव सुशील वैद्यलाई अध्यागमन कार्यालय त्रिभुवन अन्तरराष्ट्रिय विमानस्थल काठमाडौँ, होमप्रसाद लुईंटेललाई लमजुङको प्रजिअ, अनिता निरौला र विश्वप्रकाश अर्याललाई राष्ट्रिय विपद् जोखिम न्यूनीकरण तथा व्यवस्थापन कार्यालयमा सरुवा गरिएको छ ।
सहसचिव राजेन्द्रदेव पाण्डेलाई बैतडी, नवराज सापकोटालाई रोल्पा, सुनिल खनाललाई डोटी, भरतमणि पाण्डेलाई मकवानपुरको प्रमुख जिल्ला अधिकारीमा, जर्नादन गौतमलाई गौतमबुद्ध अन्तर्राष्ट्रिय विमानस्थल अध्यागमन कार्यलय रुपन्देही सरुवा गरिएको छ ।
मकवानपुरका प्रमुख जिल्ला अधिकारी गोविन्दप्रसाद रिजाललाई गृह मन्त्रालयमा ल्याइएको छ । नवलपरासी पश्चिमका प्रमुख जिल्ला अधिकारी सागरमणि पाठकलाई गृह मन्त्रालयमा ल्याइएको छ ।
हेर्नुहोस् सरुवा तथा पदस्थापन भएका कर्मचारीहरुको सूची :
वि.सं.२०७७ चैत २६ बिहीवार २०:३६ मा प्रकाशित
