Sansar News
२८ चैत, काठमाडौं । नेपाली कांग्रेसका प्रवक्ता विश्वप्रकाश शर्माले सरकारको विकल्प खोज्नेबारे कांग्रेसभित्र कुनै विवाद नभएको बताएका छन् ।
नेपाली कांग्रेस तथा नेविसङ्घ लमजुङ–काठमाडौँ सम्पर्क समितिद्धारा शनिबार आयोजित नयाँवर्ष २०७८ को शुभकामना आदानप्रदान तथा चियापान कार्यक्रममा प्रवक्ता शर्माले वर्तमान सरकारको विकल्प खोज्ने विषयमा कांग्रेसभित्र कुनै विवाद नभएको बताएका छन् ।
“कांग्रेसभित्र वर्तमान सरकारको विकल्प खोज्नेबारे सबै नेताहरुको एकमत रहेको छ, कांग्रेस सरकारको नेतृत्वमा निर्वाचनमा जानेबारे पार्टीभित्र एउटै धारणा छ”, उनले भने ।
कांग्रेस प्रचारप्रसार विभाग प्रमुखसमेत रहेका प्रवक्ता शर्माले नेपाली कांग्रेस राजनीति दल मात्र नभएर समाजको प्रतिनिधित्व भएको बताउँदै कांग्रेसले मात्र मुलुकलाई सही बाटोमा लैजाने बताए । उनले कांग्रेसको छवि बदलेर सङ्गठनात्मक स्वरुप बदल्नुपर्ने समेत मत राखे ।
प्रवक्ता शर्माले कांग्रेसभित्र सबैले आफ्नो जिम्मेवारीलाई सही ढङ्गले निभाउन सकेमात्र कांग्रेस रुपान्तरण हुने समेत बताए ।
वि.सं.२०७७ चैत २८ शनिवार १३:२९ मा प्रकाशित
