Sansar News
३१ चैत, बुटवल । माधव नेपाल समूहले रुपन्देहीमा पनि समानान्तर कमिटी गठन गरेको छ । नेकपा एमालेमा नेपाल पक्षले पछिल्लो समय समानान्तर कमिटी निर्माणको कामलाई निरन्तरता दिदै आएको छ ।
पार्टी नेताहरु घनश्याम भुसाल र युवराज ज्ञवालीको उपस्थितिमा सम्पन्न भएको जिल्लाको विस्तारीत बैठकले राजु गुरुङको अध्यक्षतामा जिल्ला कमिटी घोषणा गरेको हो ।
अध्यक्ष बनेका गुरुङ युवा संघका पुर्व केन्द्रीय उपाध्यक्ष समेत हुन् । नेपाल समुहले जिल्लामा २ सय ५ सदस्यीय समानान्तर कमिटि बनाएको छ जसमा उपाध्यक्ष पुरूषोत्तम घिमिरे, सचिव जागेश्वरीदेवि चौधरी र उपसचिव सिद्धिचरण भट्टराई बनेका छन् ।
उक्त समूहले जिल्ला कमिटीका साथसाथै क्षेत्रिय कमिटि, पालिका स्तरीय ईन्चार्ज र जनबर्गिय संगठनको संयोजकको समेत तोकेको छ । ओली पक्षले समानान्तर गतिबिधि संचालन गरे कारवाही गर्ने भनेपनि नेपाल समुहले भने पार्टी एकता जोगाउनको लागि समानान्तर कमिटी बनाउने अभियानमा लागेको बताउँदै छ ।
वि.सं.२०७७ चैत ३१ मंगलवार १५:३५ मा प्रकाशित
