हामी सबैकाे संसारन्यूज

५ बैशाख, काठमाडौं । नेपाली कांग्रेसको केन्द्रीय कार्यसमितिको बैठक आज दिउँसो बस्ने भएको छ ।

पार्टी कार्यालयका मुख्यसचिव कृष्णप्रसाद पौडेलका अनुसार बैठक दिउँसो २ बजे पार्टी कार्यालय सानेपामा बस्ने भएको हो ।

बैठकमा आगामी भदौमा हुने १४ औं महाधिबेशनको विषयमा छलफल तथा तयारी, क्रियाशील सदस्यता वितरण तथा नविकरणको म्याद थप तथा समसामयिक राजनीतिक विषयहरुमा समेत छलफल हुने मुख्यसचिव पौडलले बताएका छन् ।

आप्नै नेतृत्वमा बैकल्पिक सरकारका लागि नेकपा माओवादी केन्द्र र जनता समाजवादी पार्टीसँग छलफल गरिरहेको नेपाली कांग्रेसको आजको कार्यसमिति बैठकलाई अर्थपूर्णरुपमा हेरिएको छ ।

नेपाली कांग्रेसका सभापति शेर बहादुर देउवा निवास बुढानिलकण्ठमा चैत २७ गते नेकपा माओवादी केन्द्र र जनता समाजवादी पार्टीका नेताहरुसँग भएको बैठकको छलफलमा सभापति देउवाले आफ्नो नेतृत्वमा सरकार बनाउनका लागि जसपासँग प्रस्ताव राखेका थिए भने जसपाले पार्टीभित्र आन्तरिकरुपमा छलफलपछि मात्रै आफ्नो निर्णय सुनाउने बताउँदै आएको छ ।