हामी सबैकाे संसारन्यूज

५ बैशाख, काठमाण्डौं । पूर्वप्रधानमन्त्री तथा जनता समाजवादी पार्टी (जसपा) का संघीय परिषद् अध्यक्ष कथित सर्वदलीय बैठकमा नगएर एमसीसी बैठक बहिष्कार गरिएको भन्दै टिप्पणी गरेका छन् ।

चेई नभनि कुकुर पनि कसैको घर नजाने भन्दै प्रम निवासको मिठो मसिनो उदरस्थ गर्न पाइएला भनेर त्यत्तिकै हाम फालेर जान नमिल्ने बताउँदै डा. भट्टराईले भनेका छन्–‘जसपाको आधिकारिक केन्द्रीय कार्यालय बालकुमारी,ल.पु.मा सोध्दा कुनै जानकारी थिएन । पछि मिडियाबाटै सुनियो–एमसीसी बैठक बहिष्कार पो भएछ ।’

चेइ नभनी कुकुर पनि कसैको घर जाॅदैन रे!मिडियाबाट सुनिएको कथित सर्बदलीय बैठकमा प्रमनिवासको मिठोमसिनो उदरस्थ गर्न पाइएला भनेर त्यत्तिकै हाम्फालेर जाने कुरा भएन।जसपाको आधिकारिक केन्द्रीय कार्यालय बालकुमरी,ल.पु.मा सोध्दा कुनै जानकारी थिएन।पछि मिडियाबाटै सुनियो-MCCबैठक बहिष्कार पो भएछ!

— Baburam Bhattarai (@brb1954) April 18, 2021

शनिबार प्रधानमन्त्रीद्धारा आव्हान गरिएको सर्वदलीय बैठकमा पार्टीका अध्यक्ष उपेन्द्र यादव र डा. भट्टराई प्रधानमन्त्रीबाट आधिकारीक निम्तो नआएकाले बैठकमा सहभागी नभएको बताएका थिए ।