Sansar News
२५ माघ,धनगढी। क्यास्पियन एकेडेमी धनगढीले आगामी फागुन ३ देखि १० गतेसम्म यहाँ क्यास्पियन क्रिकेट कप २०७३ को आयोजना गर्ने भएको छ ।
आज यहाँ आयोजित पत्रकार सम्मेलनमा एकेडेमीका संस्थापक मोहनराज शर्माले यस क्षेत्रको बढ्दो क्रिकेट क्रेजलाई सही दिसा दिनुपर्ने अवश्यकता महसुस गरी यो अन्तर विद्यालय निमाविस्तरीय क्रिकेट प्रतियोगिता गर्न लागिएको बताउनुभयो ।
प्रतियोगिताको आयोजनाले क्रिकेटबाट भविष्य बनाउन चाहने विद्यार्थी लाभान्वित हुने उहाँले बताउनुभयो ।
प्रतियोगितामा प्रथम हुनेलाई रु २५ हजार, प्रमाणपत्र र क्यास्पियन कप तथा द्वितीय हुनेलाई रु १० हजार र प्रमाणपत्र प्रदान गरिने बताइएको छ ।
वि.सं.२०७३ माघ २५ मंगलवार १०:४२ मा प्रकाशित
