हामी सबैकाे संसारन्यूज

नेकपा एमालेका युवा नेता दामोदर अर्याल (Damodar Aryal) ले आइतबार सरकारद्वारा ल्याइएको बजेट उट्पट्याङ र हावादारी भएको बताएका छन् । समाजबादको जग स्थापना गर्न बास्तविकतामा आधारित हुन सक्ने र गर्नैपर्ने खालको कार्यक्रम आउनुपर्नेमा उटपट्याङ्ग र हावादारी आएको बताउँदै सामाजिक सञ्जालमा लेख्छन् :

१) मान्छेहरु रोजगारीका लागि बिदेशिएका छ्न । उनिहरुलाई मुलुकभित्रै रोक्न लाखौ रोजगारि सृजना गर्नुछ । यसका लागि बजेटले के बोल्यो त ?

२) प्रत्येक नेपालिको एउटा टाउको बराबर करिब ५३ हजार वैदेशिक ऋण छ । त्यो ऋणलाई घटाउने के कार्यक्रम आयो ? बरु ऋणम कृत्वा घृतम पिवेत जस्तो बजेट आएको होइन र ?

३) प्रत्येक घरमा बृद्ध बा आमाहरु आफ्नो हजार रुपैयाँ बृद्धभत्ता बढनु भन्दा छोरा नातिलाई स्वदेशमै रोजगारी होस भन्ने चाहान्छ्न । सत्य यो होइन र ?

४) प्रधानमन्त्री रोजगार कार्यक्रम बिगत देखि नै संचालित कार्यक्रम हो । र यसले सत्ता नजिक लम्पट कार्यकर्तालाई पाल्ने भन्दा केही काम गर्न सकेको छैन । यो कार्यक्रमबाट बिगतमा देखाउन मिल्ने कुनै काम भएको छ ? र अब हुने आश गर्न सकिन्छ ?

४) १६ बर्ष पुग्ने बित्तिकै ल्यापटप किन्न सरकारले ऋण दिने भएको छ,२ बर्षमा तिर्ने गरि । उ १८ बर्षको पुग्दा उसले त्यो पैसा कसरी फिर्ता गर्न सक्छ ? कि रोजगारीको ग्यारेन्टी गर्न खोजिएको हो ? होइन भने प्रत्येक परिवारलाई ऋणको अनावश्यक बोझ होइन ? फेरि प्रत्येक १६ बर्षकोलाई ल्यापटप अनिबार्य चाहिन्छ रु यो फजुल खर्चका लागि ब्यक्तिलाई राज्यले प्रोत्साहित गरेको ठहरिद‌ैन?

५) शैक्षिक प्रमाणपत्र धितो राखेर ऋण दिने ब्यबस्था नयाँ होइन । पहिला ७ लाख थियो,अहिले २५ लाख पुर्याईएको छ । बिगतमा यो ब्यबस्था अन्तर्गत कतिजनाले ऋण पाए ? सरकार भन्न सक्छ ? दिदै नदिने ऋण बजेटमा राखेर कसलाई मूर्ख बनाउन खोजेको हो ?

६) ब्याट्रिबाट चल्ने कारका लागि दिने भन्सार छुट,अन्तशुल्क छुट, सडक कर छुट आदि जस्ता सहुलियतहरुबाट आम मानिसहरु लाभान्वित हुन्छ्न कि केही सिमित धनाढ्यहरु ?

७) किसानका उत्पादनहरु सरकारले अनिबार्य किन्ने ब्यबस्था गर्नुपर्ने माग बिगत देखि निरन्तर उठिरहेको छ । यसतर्फ यो बजेटले केही बोल्यो ?

८) नेपालको प्रमुख समस्या भ्रष्टाचार हो । यसको न्यूनीकरणका लागि बजेटले के कार्यक्रम प्रस्तुत गर्यो ?

९) २० युनिटसम्म बिजुली बाल्नेलाई शुल्क छुट र नेपालमा कुन यस्तो परिवार होला जस्ले २० युनिटभन्दा कम बिजुली खपत गर्छ ?

१०) समाजबादको जग स्थापना गर्न बास्तविकतामा आधारित हुन सक्ने र गर्नैपर्ने खालको कार्यक्रम आउनुपर्थ्यो । त्यो आउन सकेन । आम मानिस निराश छ्न भने साईबर स्यालहरु दङ्ग छ्न् । समग्रमा यो बजेट ‘मामाजी’ जस्तै उटपट्याङ्ग र हावादारी छ ।