हामी सबैकाे संसारन्यूज

१७ जेठ, काठमाण्डौं । नेपाली जनाप्रगतिशिल मंच युएईले कोरोना महामारी विरुद्ध हातेमालो अभियानका लागि १ लाख ५० हजार रुपैयाँ सहयोग पठाएको छ ।

संगठनले अन्तर्राष्ट्रिय समन्वय बिभाग माओवादी केन्द्रको खाता मार्फत् सोमबार कार्यालयको बैंक खातामा जम्मा गरि उक्त रकम सार्वजनिक गरेको हो ।

नेपालमा कोरोना महामारीमा उपचारमा कठिन जीवन बिताइरहेका स्वदेशीलाई संगठनले सुचारु गरेको अभियानमा नेपाली १ लाख ५० हजार संकलन गरेको छ । उक्त अभियानबाट सङ्कलन भएको रकम अन्तर्राष्ट्रिय बिभाग माओवादी केन्द्रको समन्वयमा केन्द्रिय कार्यलय काठमाडौ मार्फत हस्पिटललाई स्वास्थ्य सामाग्री हस्तान्तरण गरिने संठनका अध्यक्ष बाबुराम बिश्वकर्माले जानकारी दिए ।

संगठनले युएईमा आर्थिक संकलन आफ्ना पदाधिकारी सदस्यहरू मार्फत सहयोग संकलन गरेको थियो । अन्तर्राष्ट्रिय बिभाग माओवादी केन्द्रले स्वदेशमा परेको स्वास्थ्य कठिनाईलाई मध्य नजर गर्दै एक करोड जम्मा गर्ने निर्णय सहित प्रबासमा रहेका नेपाली जनप्रगतिशिल मंचहरुलाई परिपत्र गरेको मंचका गल्फ सचिब हरि नेपालीले बताए ।