हामी सबैकाे संसारन्यूज

१७ जेठ, भारत । साइकल केटीको नामले चर्चामा आएकी ज्योतीको बुबाको निधन भएको छ । ज्योति त्यही केटी हुन् जसले आफ्नो बिरामी बुबालाई साइकलमा राखेर १२०० किलोमिटर टाढाको गुरुग्रामबाट ८ दिनमा आफ्नो गाउँ दरभंगा पुगेकी थिइन् ।

कोरोना भाइरस(कोभिड १९) को पहिलो लहर चलिरहँदा त्यहाँको सरकारले गरेको लकडाउनका बेला बिरामी बुबालाई साइकलमा राखेर यति लामो यात्रा गरेपछि उनी साइकल केटीको नामले चर्चित बनेकी थिइन ।

भारतीय संचारमाध्यमले जनाए अनुसार बिहारको दरभंगा निवासी साइकल गर्ल ज्योति कुमारीका बुबा मोहन पासवानको हृदयघातको कारण मृत्यु भएको हो । ज्योतीका बुबाले सोमबार उनको आफ्नै गाउँ सिरहूलीमा अन्तिम सास लिए ।

साइकलबाट यति लामाे यात्रा गरेकी ज्योतीको प्रशंसा संसारभरका भिडियाले गरेका थिए । अमेरिकाका पूर्व राष्ट्र डोनाल्ड ट्रम्पकी छोरी इवान्का ट्रम्प र प्रधानमन्त्री नरेन्द्र मोदीले पनि सराहना गरेका थिए ।

ज्योतिको बुबाको मृत्युपछि परिवारमा कमाउन कोही पनि छैनन् । ज्योतिले आफ्नो परिवारलाई सहयोगका लागि सबैसँग आग्रह गरेकी छन । उनले प्रधानमन्त्री नरेन्द्र मोदीलाई पनि सहयोगको लागि अनुरोध गरेकी छन् ।

प्रधानमन्त्री मोदीले यहि वर्षको २५ जनवरीमा संसारमाध्यमसँगको कुराकानीमा साइकल गर्ल ज्योतिलाई यस पटक प्रधानमन्त्री राष्ट्रिय बाल पुरस्कार २०२१ बाट सम्मानित गरिने जानकारी गराएका थए ।

ज्योतिका बुबा मोहन पासवान दिल्लीमा रिक्शा चलाएर परिवारको पेट पाल्थे । एक दुर्घघनामा परेर उनको घुँडा भाँचिएको थियो । घाउहरू निको भएपनि राम्ररी हिंड्न पनि सक्दैनथे । अब के गर्ने भन्ने सोच्न नपाउँदै देशैभर लकडाउन सुरु भयो । जम्मा गरिराखेको पैसा र खानेकुरा सकिँदै गयो, तब भोकले मर्नुपर्ने अवस्था आयो । त्यसबेला उनीहरुलाई केवल एक मात्र बाटो भनेको घर फर्किनु थियो । त्यसपछि १३ वर्षीया ज्योतिले साइकलमा बसेर बुबालाई गाउँमा लिएर आईन् ।