हामी सबैकाे संसारन्यूज

हिमगिरि मुनिको ।
जल थल वन यो ।।
नसर न पर झन् ।
सब पथ सुख छन् ।।०१।।

घरघर सबका ।
रसमय रमिता ।।
कृत क्रम शुभ होस् ।
निज मन श्रम होस् ।।०२।।

अतिशय मनमा ।
रिपु बह जनमा ।।
जतिजति भरियो ।
त्यति सुख छरियो ।।०३।।

अलिकति युगको ।
पथ क्रमसँग भो ।।
मनतल नरको ।
सुख लयसित भो ।।०४।।

सुरसित मन यो ।
श्रम पथसँग भो ।।
सुखमय मन भो ।
अनि फल घर भो ।।०५।।

मनमति शुभ होस् ।
बह रति नरहोस् ।।
अविरल सुख होस् ।
मृदुमय मुख होस् ।।०६।।

नृपपथ पद होस् ।
जनमन मृदु होस् ।।
बह डर सबका ।
पर गर भवका ।।०७।।

खुद मन सबको ।
हित पथ जब भो ।।
विचलितपन त्यो ।
पर गर मन हो ।।०८।।

मुलुक छ गतिलो ।
मन गर रसिलो ।।
कृत पथ म बढूँ
सुख रस म जडूँ ।।०९।।

उठ सब मनुवा ।
जलसरि बगुवा ।।
गतिमय पथमा ।
फल जडूँ घरमा ।।१०।।

छन्द: मधुमती