हामी सबैकाे संसारन्यूज

असार २५, काठमाडौं । नेकपा (माओवादी केन्द्र)ले दल दर्ता खारेजीको माग गर्दै निर्वाचन आयोगमा परेको निवेदन हाँस्यास्पद भएको टिप्पणी गरेका छ । शुक्रबार एक प्रेस विज्ञप्ती जारी गर्दै केन्द्रले पार्टीसँग सरोकार नै नभएको व्यक्तिबाट मुद्दा दायर हुनु हाँस्यास्पद भएको बताएको हो ।

केन्द्रले आफ्नो पार्टीलाई बद्नाम गराउन उक्त निवेदन दिइएको पनि बताएको छ । ‘हाम्रो पार्टीसँग कुनै पनि सरोकार नराख्ने व्यक्ति निवेदक रहेको र दल दर्ता र दल खारेजीसम्बन्धी सामान्य कानूनी प्रक्रियासमेत जानकारी नभएको व्यक्तिले त्यस्तो हरकत गर्नु हाँस्यास्पद देखिन्छ’, विज्ञप्तीमा भनिएको छ, ‘केही अवसरवादी, स्वार्थी, लालची, अनैतिक तत्वले यस प्रकारको दुष्प्रचार गरी पार्टीलाई बदनाम गराउन सकिन्छ भन्ने मनशायले उक्त कार्य गर्न गराउन प्रयत्न गरेको देखिन्छ ।’

माओवादी केन्द्रले विज्ञप्तीमार्फत निर्वाचन आयोगको कार्यशैलीमाथि पनि प्रश्न उठाएको छ । केन्द्रले बेसराेकार निवेदन स्वीकृत किन गरियो भनि प्रश्न गरेको छ । उसले आगामी समय यस्तो निर्णयहरु नगर्न पनि आयोगलाई सुझाएको छ ।

यस्तो छ केन्द्रले निकालेको विज्ञप्ती

सम्बन्धित समाचार

एमालेभित्रका पूर्वमाओवादी समूहको माग : माओवादी केन्द्र अवैधानिक छ, खारेज हुनुपर्छ !

यस्तो छ माओवादी केन्द्र खारेजीको माग गर्दै आयोगमा परेको निवेदन

माओवादी केन्द्र खारेजीको प्रक्रिया अघि बढाउन निर्वाचन आयोग पुग्यो बादल समूह