हामी सबैकाे संसारन्यूज

२५ असार, काठमाडौँ । मनकामना स्मार्ट लघुवित्तको लघुवित्तको प्राथमिक शेयर आज ‘प्रि अलटमेन्ट’ सम्पन्न भएको छ ।

प्रि अलटमेन्ट सकेर धितोपत्र बोर्डमा बुझाइसकेको बिक्री प्रबन्धक एनएमबि क्यापिटलले जनाएको छ । प्रि अलटमेन्ट सकिएसँगै लघुवित्तको आइपीओ आगामी आईतबार अथवा सोमबारभित्र बाँडफाँट गर्ने तयारी क्यापिटल गरेको छ ।

कम्पनीले असार १७ गते देखि ३ करोड ८९ लाख रुपैयाँ बराबरको आईपिओ बिक्रि खुला गरेको थियो । कम्पनीको उक्त आइपीओमा २० लाख १ हजार ९ सय १९ आवेदकबाट २ करोड ६१ लाख ५५ हजार १० कित्ताको लागि आवेदन परेको थियो । यो माग गरिएको भन्दा ७१.९५ गुणा बढी हो ।

कम्पनीको आईपिओ गोलाप्रथाबाट ३६ हजार ३ सय ४९ जनाले मात्र शेयर पाउने छन् । जसका कारण १९ लाख बढी आवेदन हात खाली हुने छन् ।