हामी सबैकाे संसारन्यूज

२८ असार, अमेरिका । राष्ट्रिय आविष्कार केन्द्रका प्रमुख डा. महाविर पुनलाई अमेरिकामा रहेका नेपालीहरुले आर्थिक सहयोग गरेका छन् ।

युनाईटेड किरात राई अर्गनाइजेशन अफ अमेरिकाकी अध्यक्ष मुना राईका अनुसार नेपालमा कोरोना महामारीका कारण पीडित भएकाहरुका लागि डा. महाविर पुनमार्फत् सहयोग गरिएको हो ।

बिभिन्न संघसंस्था र व्यक्तिगत रुपमा रकम संकलन गरिएको भएता पनि अर्गनाइजेशनको युवा अमेरिकन सेनामा कार्यरत सुप्रेम राईले गो फण्डबाट २०२१ डलर र युनिभर्सिटीमा अध्ययनरत अर्गनाइजेशनका युवती अबृता कुथुमिले मम बनाएर बिक्रि गरी उठाएको उक्त रकम नेपाल पठाईएको अर्गनाइजेशनका न्यूयोर्क च्याप्टर सभापति केशब राम राईले जानकारी दिएका छन् ।

ग्रेटर न्यूयोर्क नेपाली टिम भनेर आयोजना गरिएको एक कार्यक्रममै बिभिन्न ब्यक्ति र संघ संस्थाबाट झण्डै ६५ हजार डलर उठेको बताइएको छ ।

आफ्ना गुरुको निधनको शोकसभामा सहभागी हुन अमेरिका पुगेका क्रममा डा. पुन २५ भन्दा बढी राज्यहरुमा झण्डै ५० भन्दा बढी कार्यक्रममा सहभागी भएका थिए । उक्त क्रममा ३ करोड डलर बराबरको रकम र ३ करोड डलर भन्दा बढीको सहायता सामग्रीहरु संकलन गरिएको बताइएको छ ।