१५ साउन,दिल्ली । भारतमा कोरोना संक्रमितको संख्या फेरि बढ्न थालेको छ ।
पछिल्ला केही दिनयता भारतमा कोरोना संक्रमितको संख्या पुनः बढ्न थालेको हो । भारतमा बिहीवार ४४ हजार ६६७ जना नयाँ संक्रमित थएिकामा केरला राज्यमा मात्रै २२ हजार संक्रमित थपिएका हुन् । भारतभरी देखिएका संक्रमितमध्ये आधा संख्या केरलामा भेटिएको हो ।
केरलामा तीनदिन यता लगातार प्रत्येक दिन २२ हजारको संख्यामा संक्रमित थपिएका छन् ।
त्यसैगरी बिहीबार कोरोना संक्रमणबाट ५४९ जनाले ज्यान गुमाएका छन् । सोहि अवधिमा ४२ हजार १०७ जना संक्रमणबाट मुक्त भएका छन् ।
भारतमा हालसम्म ३ करोड १५ लाख संक्रमित भइसकेका छन् । समाचार माध्यमका अनुसार ती मध्ये ७ करोड ७ लाख निको भइसकेका छन् भने कूल संक्रमित मध्ये ४ लाख २३ हजारले ज्यान गुमाएका छन् । भारतमा हाल ३ लाख ९९ हजार संक्रिय संक्रमितको उपचार भइरहेको छ ।
८ राज्यमा पूर्ण लकडाउन
कोरोना संक्रमितको संख्या घट्दै जान थाले पनि भारतका ८ राज्यमा अझैपनि पूर्ण लकडाउन सरहको निशेधाज्ञा जारी गरिएको छ । भारतको पश्चिम बंगाल, हिमान्चल प्रदेश, झारखण्ड, उडिसा, तमिलनाडु, गोवा र पदुचोरीमा लकडाउन सरहकै निशेधाज्ञा जारी गरिएको छ ।
यी राज्यमा आशिंक लकडाउन
भारतका २३ राज्यमा आशिंक लकडाउन गरिएको छ । भारतको कर्णाटक, छत्तिसगढ, केरला, बिहार, दिल्ली, महाराष्ट्र, राजस्थान, उत्तर प्रदेश, मध्यप्रदेश, हरियाणा, पंजाब, बिहार, दिल्ली, महाराष्ट्र ,अरुणान्चल प्रदेश, सिक्किम, मेघालय, नागाल्याण्ड, आसाम, मणिपुर, त्रिपुरा, आन्ध्र प्रदेश र गुजरातमा आशिंक लकडाउन गरिएको छ ।
वि.सं.२०७८ साउन १५ शुक्रवार १२:३३ मा प्रकाशित