हामी सबैकाे संसारन्यूज

१
शिक्षा दिने सबैलाई गुरू मान्नु,
पहिलो गुरू आमा–बा भनी जान्नु ।
२
गुरू हुन सदैव ज्ञानको ज्योति छर्ने,
शिष्यको अज्ञानता हटाई दुःख हर्ने।
३
पहिलो नमन आमा–बाबाको चरणमा,
दोस्रो नमन लिएर गुरूको शरणमा ।
४
ज्ञान सँगै गुरू जीउने कला सिकाउँछन्,
सच्चा शिष्यले गुरूको ज्ञान फैलाउँछन् ।
५
गुरू पूर्णिमाको सबैलाई शुभकामना,
गुरूजीको कृपाले शुद्ध रहोस भावना ।
६
गुरूवर्ग सधैँ निस्वार्थ बाँड्छन ज्ञान,
बदलामा पाउँछन् मात्र मान सम्मान ।
७
जीवन उपयोगी शिक्षा दिने गुरू हुन,
बिर्सनु हुँदैन हामीले उनको यो गुन ।
८
गुरूबाट ज्ञान सँगै मार्गदर्शन पनि पाइन्छ,
आज्ञाकारी नहुँदा कहिले काहिँ ठोकर खाइन्छ ।
९
प्रत्येक मोड्मा शिक्षा दिने समय पनि गुरू,
सिक्नु पर्छ उचित कुरा नरोक्की शुरू–शुरू ।
१०
गुरू वशिष्ठ झैं भए अति पुज्नीय हुन्छ,
द्रोणाचार्य भई औँला मागेमा मन रून्छ ।