हामी सबैकाे संसारन्यूज

१७ साउन, पोखरा । कोरोना संक्रमणबाट गण्डकी प्रदेशमा आइतवार थप ३ जनाको मृत्यु भएको छ । प्रदेशको कास्कीमा २ गोरखामा १ गरी तीनजनाको मृत्यु भएको हो । आइतवार थपिएका ३ जनासँगै प्रदेशमा हालसम्म ज्यान गुमाउनेको संख्या १०९९ पुगेको छ ।

त्यस्तै प्रदेशमा आज मुस्ताङमा १, म्याग्दीमा ११, पर्बतमा १९, गोरखामा ३६, लमजुङमा १४, तनहुँमा ५ कास्कीमा १३८, वाग्लुङमा ९३, स्याङजामा ४ र नवलपरासीपूर्वमा ११ जना गरी ३३२ जना नयाँ संक्रमित थपिएका छन् । ती मध्ये १५९ जना महिला र १७३ जना पुरुष रहेका छन् ।

निर्देशनालयद्धारा जारी विवरण अनुसार आइतवार थपिएका संक्रमित मध्ये सबैभन्दा बढी कास्कीमा १३८ जना नयाँ संक्रमित थपिएका हुन् । यो संख्या शनिवारको तुलनामा कम हो । साथै आइतवार १३६ जना निको भएका छन् ।

तवार थपिएका ३३२ जनासँगै प्रदेशमा हालसम्म ६८ हजार ३४ जनामा कोरोना संक्रमण पुष्टि भएको छ भने ती मध्ये ६१ हजार ७८४ जना निको भइसकेका छन् ।

निर्देशनालयका अनुसार प्रदेशमा हाल ५,१५१ सक्रिय संक्रमित रहेका छन् । ती मध्ये होम आइसोलेशनमा ४,८४८ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको छ ।