Sansar News
१९ साउन, काठमाडौँ । टाटा मोटर्सको नेपालका लागि एकमात्र आधिकारीक वितरक सिप्रदी ट्रेडिङ र एनएमबि बैंकबीच सम्झौता भएको छ ।
उक्त सम्झौता पत्रमा सिप्रदीका प्यासेन्जर भेहिकल बिजनेस युनिटका प्रमुख सावन्तजंग सिजापति र एनएमबिका व्यापार तथा रणनीति प्रमुख अधिकृत सुदेश उपाध्यायले एक कार्यक्रम बीच हस्ताक्षर गरे ।
अब टाटा मोटर्सको इलेक्ट्रिक भेहिकल नेक्सन इभी खरिद गर्न चाहनेले एनएमबि बैंकको नेपाल भरीका शाखाहरु मार्फत सहुलियतपूर्ण कर्जा पाउन सक्नेछन् । कर्जा सम्झौता अन्तर्गत नेक्सन इभी खरिदकर्ताले शून्य प्रतिशत प्रिमियमसहित बैंकको बेस रेट ब्याजदरमा एनएमबि बैंकको नेपाल भरीका शाखाहरु मार्फत कर्जा पाउन सक्नेछन् । यस अन्तर्गत बैंकले २४ घण्टाभित्र ८० प्रतिशतसम्म फाईनान्सको सुविधा उपलब्ध गराउने जानकारी दिइएको छ ।
यस अन्तर्गत बैंकले २४ घण्टाभित्र ८० प्रतिशतसम्म फाईनान्सको सुविधा उपलब्ध गराउने जानकारी दिइएको छ।
वि.सं.२०७८ साउन १९ मंगलवार १६:४२ मा प्रकाशित
