हामी सबैकाे संसारन्यूज

२३ साउन, तेह्रथुम । स्थानीय तहहरुले आफ्नो क्षेत्रमा आवश्यकता अनुसार नियम बनाउन र निर्णय गर्न पाउँछन् । तर यसको मतलब यो होइन की, व्यक्तिगत विषयमा जे पनि निर्णय गर्न पाइन्छ । प्रदेश नं १ तेह्रथुम मेन्छयायेम गाउँपालिकाले व्यक्तिगत विषयलाई लिएर एकदिन शोक बिदा नै गर्यो । त्यसको सामाजिक सञ्जालमा चर्को आलोचना भएका छन् ।

गाउँपालिका अध्यक्ष गीतादेवी तिम्सिना गौतमको ससुरा कृष्णप्रसाद गौतमको बिहिबार साँझ ९६ वर्षको उमेरमा निधन भएकोमा साउन २२ गते शुक्रबार शोक बिदा दिने निर्णय गरेकाे हाे।

गाउँपालिकाका निमित्त प्रमुख प्रसाशकीय अधिकृत विष्णुप्रसाद पोखरेलले निकालेको सुचनामा गाउँपालिकाको कार्यालय, वडा कार्यालयहरु, गाउँपालिकाभित्रका सम्पूर्ण शैक्षिक संस्थाह एवम् गाउँपालिका मातहतका कार्यालयहरु(स्वास्थ्य संस्था बाहेक) मा शोक बिदा गरिएको उल्लेख छ ।