हामी सबैकाे संसारन्यूज

३० साउन, काठमाडौं । प्रधानमन्त्री शेरबहादुर देउवाले नेपाली राष्ट्रिय क्रिकेट टोलीका पूर्वकप्तान पारस खड्कालाई ‘जिन्दगीको दोस्रो इनिङमा पनि सफलता मिलोस्’ भन्ने शुभकामना दिएका छन् ।

प्रधानमन्त्री कार्यालयमा भएको भेटघाटको तस्विरसहित टिव्टरमा सार्वजनिक गर्दै प्रधानमन्त्री देउवाले पारसलाई ‘नेपाल र नेपालीको शिर उँचो बनाउन जिन्दगीको दोस्रो इनिङमा पनि सफलता मिलोस्’ भन्ने शुभकामना दिएका हुन् ।

उनले पारसबाट नेपाली क्रिकेटले पाएको उपलब्धिको प्रशंसा गरेका छन् । दुई दशकमा नेपाली क्रिकेटले हासिल गरेका हरेक ती सफलता, नेपालीले कहिल्यै नभुल्ने ती रोमाञ्चक जितले नेपालीलाई क्रिकेटमा ठूलो सपना देख्न प्रेरित गरेको भन्दै धन्यवाद पनि दिएका छन् ।
उनले पारसलाई सरकारको साथ र सहयोग सधैँ रहने पनि बताएका छन् ।

प्रधानमन्त्रीले सञ्जालमा भनेका छन् :

“दुई दशकमा नेपाली क्रिकेटले हासिल गरेका हरेक ती सफलता, नेपालीले कहिल्यै नभुल्ने ती रोमाञ्चक जित र हामीलाई क्रिकेटमा झन् ठूलो सपना देख्न प्रेरित गरेकामा @paras77  लाई धन्यवाद,” देउवाको ट्विटमा भनिएको छ, “नेपाल र नेपालीको शिर उँचो बनाउन जिन्दगीको दोस्रो इनिङमा पनि सफलता मिलोस् । सरकारको साथ र सहयोग सधैँ रहनेछ ।”

पारसले हालै अन्तर्राष्ट्रिय क्रिकेटबाट सन्न्यास लिएका थिए ।बाह्र वर्ष राष्ट्रिय क्रिकेट टोलीको नेतृत्व गरेका उनलाई नेपालको सबैभन्दा सफल कप्तान मानिन्छ।

दुई दशकमा नेपाली क्रिकेटले हासिल गरेका हरेक ती सफलता, नेपालीले कहिल्यै नभुल्ने ती रोमाञ्चक जित र हामीलाई क्रिकेटमा झन् ठूलो सपना देख्न प्रेरित गरेकामा @paras77 लाई धन्यवाद।
नेपाल र नेपालीको शिर उँचो बनाउन जिन्दगीको दोस्रो इनिङमा पनि सफलता मिलोस्। सरकारको साथ र सहयोग सधैं रहने छ। pic.twitter.com/yqOAVENHsZ

— Sher Bahadur Deuba (@SherBDeuba) August 14, 2021