हामी सबैकाे संसारन्यूज

३१ साउन, परासी । फरार अभियुक्त तीन वर्षपछि पक्राउ परेको छ ।

दश वर्षभन्दा बढी कैद सजाय तोकिएका एक फरार अभियुक्त तीन वर्षपछि पक्राउ परेका हुन् । पक्राउ पर्नेमा प्रतापपुर गाउँपालिका–३ सोमनीका २२ वर्षीय इन्द्रजीत बिन रहेका छन् । उनलाई नवलपरासी (बर्दघाट सुस्तापश्चिम) प्रहरीले पक्राउ गरेको हो ।

उनलाई नवलपरासी (बर्दघाट सुस्तापूर्व) नवलपुरको विनयी त्रिवेणी गाउँपालिका–२ बाट पक्राउ गरिएको सूचना अधिकारी प्रहरी नायब उपरीक्षक राजु लामाले जानकारी दिए । जिल्ला अदालतले विसं २०७५ जेठ ३० गते लागुऔषध मुद्दामा १० वर्ष एक महिना आठ दिन कैद सजाय र रु एक लाख जरिवानाको फैसला गरेपछि बिन फरार भएका थिए ।