हामी सबैकाे संसारन्यूज

११ भदौ, काठमाडौँ । सशस्त्र प्रहरीले सयौँको संख्यामा नयाँ भर्ना खुलाएको छ ।

सशस्त्र प्रहरी बल नेपाल, प्रधान कार्यालय काठमाडौँले शुक्रवार एक सूचना जारी गर्दै विभिन्न पदका लागि नयाँ भर्ना खुलाएको हो ।

कार्यालयले सशस्त्र प्रहरी निरीक्षक –७५ जना , सशस्त्र प्रहरी सहायक निरीक्षक–१३७, सशस्त्र प्रहरी जवान–७५५ र अन्य – १२८ जना गरी जम्मा १०९५ जनाको लागि नयाँ भर्ना खुलाएको सूचनामा उल्लेख गरिएको छ ।

सशस्त्र प्रहरीमा भर्ना हुन चाहने योग्यता पुगेका इच्छुक नेपाली नागरिकले आफुलाई पायक पर्ने ‘सशस्त्र प्रहरी बल’, नेपालको तोकिएको कार्यालयहरुमा दरखास्त फारम बुझाउन सकिने जनाइएको छ ।

थप जानकारीका लागि सशस्त्र प्रहरी बल, नेपालको वेभसाईट  www.apf.gov.np मा हेर्न सकिने छ ।