Sansar News
१८ भदौ, काठमाडौं । गायिका स्मीता दाहालले हिन्दी गीतमा आवाज सँगै अभिनय पनि गरेकी छन् ।
उनले ‘इबादाद बन गए हो’ बोलको हिन्दी गीत गाएकी हुन् । उनलाई शबाब साबरीले आवाजमा साथ दिएका छन् । गायिका दाहालको गीतको भिडियो पनि सार्वजनिक गरिएको छ । जसमा गायिका स्मीतालाई भारतीय मोडल अर्जुन बिज्लानीले साथ दिएका छन् ।
गीतको भिडियोलाई राजिव एस. रुईयाले निर्देशन गरेका हुन् । केआर वाहीको शब्द रहेको गीतमा शबाब साबरीले संगीत दिएका छन् । गायिका स्मीता दाहाल नेपाल कम्युनिष्ट पाटी (माओवादी) अध्यक्ष पुष्पकमल दाहाल ‘प्रचण्ड’की नातिनी हुन् ।
वि.सं.२०७८ भदौ १८ शुक्रवार १५:१६ मा प्रकाशित
