हामी सबैकाे संसारन्यूज

भदौ २३, काठमाडौं । प्रमुख प्रतिपक्षी दल नेकपा (एमाले)ले आफ्नो पार्टी फुटाउन सभामुख अग्निप्रसाद सापकोटा प्रयोग भएको आरोप लगाएको छ । बुधबार प्रतिनिधिसभाको बैठकमा एमाले प्रमुख सचेतक विशाल भट्टराईले यस्तो आरोप लगाएका हुन् । उनले सभामुखबाट चित्तबुझ्दो जवाफ नआएसम्म संसद बैठक चल्न नदिने पनि स्पष्ट पारे ।

‘हाम्रोबीचमा अनुत्तरीत प्रश्न छ, नेकपा (एमाले) कारबाही गरेका सांसदलाई कारबाही गर्न र एमाले टुक्रयाउन किन सारथी हुनुभयो, दल विभाजनका लागि किन तपाईं मतियार हुनुभयो’, भट्टराईले प्रश्न गरेका छन् ।

संविधान,नियम, कानून उल्लंघन गरेर एमाले टुक्रयाउने काम भएको उनले बताए। सभामुखको आशनबाट आफूहरुले जवाफ खोजिरहेको उनले बताए।

एमालेको अवरोध पछि अहिले संसद बैठक स्थगित छ ।

सम्बन्धित समाचार