हामी सबैकाे संसारन्यूज

चितवन युवा समुह दोहा कतारका महासचिब सुरेश परियार आभास तथा निर्मला खत्री ज्युद्वारा मिति २०७३ फागुन १२ गतेका दिन सुपुत्री लाभको अवसरमा मानव सेवा आश्रम चितवन भरतपुर १० बाइपास रोडमा एक छाकको खाना खुवाउनु भएको छ । सो कार्यक्रममा चितवन युवा समुह अन्तराष्ट्रिय समन्वय समिति नेपालका अध्यक्ष श्री मुक्ति प्रसाद अधिकारी, सचिव राजन घिमिरे, सहकोषाध्यक्ष साझा राम बिक,सदस्यहरु सिता कंडेल, कविता ढकाल, कार्यालय सचिव इन्दिरा सिग्देल लगायत अन्य समाजसेवीहरुको उपस्थिति रहेको थियो ।
चितवन युवा समुह अन्तराष्ट्रिय समन्वय समिति नेपालका अध्यक्ष मुक्ति प्रसाद अधिकारीले प्रवासमा रहेर पनि आफ्नो सुखद अवसरमा गृह जिल्ला चितवनको बिकास र समाजमा रहेका असहाय गरीब अशक्त तथा बेसाहाराहरुको लागि सामाजिक परोपकारी कार्यप्रति देखाउनुभएको अतुलनीय कार्यको लागि उहाहरुलाई हृदय देखिनै हार्दिक आभार व्यक्त गर्दै छोरीको सुस्वास्थ्य दीर्घायु सुख शान्ति समृद्धि एवं उत्तरोत्तर प्रगतिको हार्दिक मंगलमय शुभ कामना व्यक्त गर्नुभएको छ ।
साथै आगामी दिनहरु पनि आफ्ना सुखद अवसरहरु यसरीनै सामाजिक परोपकारी कार्य प्रति लगाउनु हुन सम्पूर्णमा हार्दिक अनुरोध गर्नुभएको छ ।