हामी सबैकाे संसारन्यूज

काठमाडौं । नेपालमा पछिल्लो २४ घण्टामा ११५८ जनामा कोरोना संक्रमण पुष्टि भएको छ ।

स्वास्थ्य मन्त्रालयका अनुसार पछिल्लो २४ घण्टामा पिसीआर र ऐन्टिजेन विधिबाट गरिएको १४ हजार ३ नमुना परीक्षणमा ११५८ जनामा कोरोना संक्रमण पुष्टि भएको हो । सोमबारको तुलनामा मंगलबार संक्रमित हुनेको संख्या केही घटेको हो ।

नेपाल हालसम्म पिसीआर र ऐन्टिजेन दुवै विधिबाट गरिएको ४७ लाख ५६ हजार ९११ नमुना परीक्षणमा आज थपिएका ११५८ जनासँगै हालसम्म संक्रमित हुनेको संख्या ८ लाख ८४ हजार ३७९ जना संक्रमित भएका छन् ।

त्यस्तै आज १३१८ जना कोरोना संक्रमणबाट मुक्त भएका छन् । आज संक्रमण मुक्त भएका १३१८ जनासँगै नेपालमा कोरोना संक्रमणबाट मुक्त हुनेको संख्या ७ लाख ६३ हजार ७३४ रहेको छ । नेपालमा पछिल्ला केही सातायता संक्रमित हुने भन्दा निको हुनेको संख्या बढिरहेको छ ।

त्यसैगरी पछिल्लो २४ घण्टामा १२ जनाको मृत्यु भएको छ । आज थपिएका १२ जनासँगै मृतकको संख्या ११ हजार ११५ पुगेको छ ।

मन्त्रालयका अनुसार हाल देशैभरी १८ हजार ८४८ जना सक्रिय संक्रमित रहेका छन् । ती मध्ये १७ हजार १२५ जना होम आइसोलेशन र १२९७ जना संस्थागत आइसोलेशनमा रहेका छन् । साथै विभिन्न अस्पतालका आइसीयुमा ३६४ जना आइसीयुमा र १२० जना भेन्टिलेटरमा उपचाररत छन् ।

नेपालमा हालसम्म कोरोना भाइरसविरुद्धको खोपको पहिलो मात्रा लिनेको संख्या ६९ लाख ६० हजार ८२८ जना र ६२ लाख ५ हजार ७७० जनाले दोस्रो मात्राको खोप लगाइसकेका छन् । साथै पछिल्लो २४ घण्टामा देशैभरी २ लाख ८ हजार ९० जनालाई कोरोना भाइरस विरुद्धको खोप लगाइएको छ ।

पछिल्लो २४ घण्टामा थपिए १२८२ कोरोना संक्रमित, ७ जनाको मृत्यु