Sansar News
काठमाडौं । बागमती प्रदेशकी मुख्यमन्त्री अष्टलक्ष्मी शाक्यले अन्ततः राजीनामा दिने भएकी छिन् । प्रदेशसभामा बहुमत नजुट्ने प्रष्ट भएपछि उनी राजीनामा दिने तयारीमा पुगेकी हुन् ।
प्रदेशसभाको बैठकमा शाक्यले राजीनामा दिने एमाले सांसद अरुण नेपालले जानकारी दिएका छन् । प्रदेशसभा बैठक केहीबेर अघिदेखि सुरु भएको थियो । शाक्यले अहिले सम्बोधन गरिरहेकी छिन् ।
बताइएअनुसार शाक्यले विपक्षीको जवाफ दिएसँगै सदनबाटै राजीनामाको घोषणा गर्नेछिन् ।
प्रदेशसभा सचिवालयले आजको बैठकमा विश्वासको मत विभागन गर्ने तयारी गरिसकेको छ । तर, मत विभाजन आफ्नो पक्षमा हुने नदेखेपछि उनी बाहिरिन खोजेकी हुन् ।
प्रदेशसभामा हाल सत्तापक्ष एमालेका ४३, प्रमुख प्रतिपक्षी नेकपा माओवादी २३ र अन्य प्रतिपक्षी नेपाली कांग्रेसका २२, नेकपा (एस)का १३, विवेकशील साझा दलका तीन, नेपाल किसान मजदुर पार्टी (नेमकिपा) का दुई, राप्रपाका दुई र जनता समाजवादी पार्टी (जसपा) का एक गरी १०९ सदस्य छन् । प्रदेशसभामा नयाँ सरकार बनाउन र टिकाउन ५५ मत भए पुग्छ । विपक्षी गठबन्धनसँग ५९ मत रहेको छ ।
वि.सं.२०७८ कात्तिक १० बुधवार १४:१४ मा प्रकाशित
