Logo
२७ श्रावण २०७९, शुक्रबार
     Fri Aug 12 2022
E-paper
  English Edition
   Unicode
Logo

कृषिका लागि ३० अर्ब प्रस्ताव



२०, काठमाडौँ । कृषि विकास मन्त्रालयले आगामी आर्थिक वर्षका लागि ३० अर्ब ५९ करोड रुपैयाँ बराबरको कार्यक्रम र बजेट बाँडफाँड गरी अर्थ मन्त्रालयलाई प्रस्ताव गर्ने भएको छ । राष्ट्रिय योजना आयोगले उपलब्ध गराएको बजेट सीमाभित्र रहेर मन्त्रालयले यस्तो तयारी गरेको हो । मन्त्रालयका सहप्रवक्ता शंकर सापकोटाले यही रकमबाट जिल्ला विकास समितिको निक्षेपणतर्फका लागि तीन अर्ब ४३ करोड रुपैयाँ विनियोजन गरिने जानकारी दिए ।
आगामी आवको बजेटमार्फत विभिन्न जिल्लामा भइरहेको गाँजाखेती नियन्त्रण गर्ने कार्यक्रम सञ्चालनमा ल्याउने तयारी गरिएको छ । लुकाइछिपाइ र सेटिङ मिलाएर गरिने यस्तो गाँजाखेतीका कारण मन्त्रालयले गाँजाखेती विस्थापन कार्यक्रम ल्याउन लागेको हो । मन्त्रालयले करिब १० जिल्लामा गाँजाखेती विस्थापन कार्यक्रम सञ्चालनमा ल्याउने तयारी पनि गरेको छ । पहिलो चरणमा नमुनाका रुपमा उपत्यका नजिकैको धादिङ र मकवानपुर जिल्लामा यो कार्यक्रम सञ्चालनमा आउनेछ । ‘ती दुवै जिल्लामा यो कार्यक्रमको प्रभावकारिता हेरेर अन्य जिल्लामा कार्यक्रम विस्तार हुनेछ,’ सहप्रवक्ता सापकोटाले भने । मन्त्रालयका अनुसार गाँजाखेती गर्ने स्थानीय वासिन्दालाई तरकारीखेती गर्न सिँचाइ, बिउ,प्लासिस्टक तथा टनेल र मलजस्ता आधारभुत वस्तुसम्बन्धी सुविधा प्रदान गरी गाँजाखेतीलाई विस्थापन गर्ने योेजना बनाइएको छ ।


यो खबर पढेर तपाईलाई कस्तो महसुस भयो ?

काठमाडौं । नेपाल राष्ट्र बैंकले आजको नेपाली बजारमा विदेशी मुद्राको भाउ यसप्रकार तोकेको छ

काठमाडौं । प्रतिनिधिसभा र प्रदेशसभामा चुनावी तालमेल गरेर जाने सहमति गरेका दलहरुबीच सिट बाँडफाँटमा

काठमाडौं । सरकारले प्रतिनिधिसभा र प्रदेशसभाको निर्वाचन घोषणा गरेसँगै मुलुक चुनावी विषयले तात्तिएको छ

काठमाडौं । स्थानीय निर्वाचनमा जस्तै प्रदेश र प्रतिनिधिसभा चुनावमा पनि एमाले एक्लो हुने भएको