हामी सबैकाे संसारन्यूज

काठमाडौं । नाडा अटो मोबाइल्स अप नेपालले निर्वाचनको कार्यतालिका सार्वजनिक गरेको छ ।

नाडाले यहि मंसिर २२ र २३ गते काठमाडौं हुने निर्वाचनको कार्यतालिका सार्बजनिक गरेको हो । जसमा मंसिर १८ गते ११ बजे मतदाता नामावली प्रकाशन गर्ने रहेको छ भने २ बजेसम्ममा मतदाता नामावली उपर दावि विरोधपछि अन्तिम मतदाता नामावली ४ बजे देखि ५ बजेसम्ममा प्रकाशन गर्ने उक्त कार्यतालिकामा जनाइएको छ ।

त्यसैगरी  १९ गते बिहान ८ बजेदेखि ११ बजेसम्म उम्मेदवारको मनोनयनपत्र दर्ता गर्ने रहेको छ भने सोहिदिन ११ः३० देखि १२ः१५ सम्म उम्मेदवारहरुको प्रथम नामावली प्रकाशन गर्ने तथा १२ः३० देखि १ः३० बजेसम्म उम्मेदवारी उपर दावी विरोध गर्ने कार्यतालिका रहेको छ ।

त्यस्तै सोहि दिन २ः४५ देखि बेलुका ४ः४५ सम्म उम्मेदवारहरुले आफ्नो नाम फिर्ता लिन सक्ने रहेको छ भने ४ः४५ देखि ५ः३० सम्म उम्मेदवारको अन्तिम नामावली प्रकाशन गरिने उक्त कार्यतालिकामा जनाइएको छ ।

उक्त कार्यतालिका अनुसार २३ गते बिहान ८ बजेदेखि ३ बजेसम्म सोल्टी होटलमा नाडाको नयाँ नेतृत्व चयनका लागि मतदानको कार्यक्रम हुनेछ ।

यस्तो छ  कार्यतालिका