हामी सबैकाे संसारन्यूज

काठमाडौं । ग्लोबल आइएमई बैंकका ग्राहकले उक्त बैंकको मोबाइल बैंकिङ्ग एप्लिकेसन चलाउँदा निशुल्क डाटा उपलब्ध गराउने भएको छ ।

ग्लोबल आइएमईको ‘ग्लोबल स्मार्ट र ग्लोबल स्मार्टप्लस’ चलाउन डाटा उपलब्ध गराउने बैंकले जनाएको छ । तर सो सुविधा नेपाल टेलिकमको सिम प्रयोग गर्ने ग्राहकहरुले मात्रै पाउने बैंकले बताएको छ । डिजिटल बैंकिङ्गको क्षेत्रमाग्लोबल आइएमई बैंकको सो नयाँ पहल हो ।

सो सुविधा ग्राहकहरुलाई उपलब्ध गराउनको लागि बैंकले नेपाल टेलिकमसँग समझदारी गरेको छ । बैंक र नेपाल टेलिकमबीचमा मंगलवार समझदारी भएको बैंकले जनाएको छ । समझदारी पत्रमा बैंकको तर्फबाट बजार तथा व्यवसाय प्रवद्र्धन प्रमुख शान्ता शिवाकोटी र नेपाल टेलिकमको तर्फबाट प्रमुख व्यापार अधिकृत संगीता पहाडीले हस्ताक्षर गरेका थिए ।

ग्लोबल आइएमई बैंकले सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले ७६ जिल्लामा २ सय ८७ शाखा, २ सय ५२ एटीएम, २ सय ६३ शाखा रहित बैंकिङ्ग सेवा, ४८ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालय समेत गरी करिब ८५० सेवा केन्द्रबाट सेवा प्रदान गरेको जनाएको छ ।