हामी सबैकाे संसारन्यूज

काठमाडौं । सभामुख अग्नि प्रसाद सापकोटा अन्तर व्यवस्थापिका संघ (आइपीयू) को १४३ औं सम्मेलनमा भाग लिन बुधबार राति स्पेन प्रस्थान गरेका छन् ।

उक्त सम्मेलनमा भागलिनका लागि सभामुखको नेतृत्वमा गएको नेपाली प्रतिनिधि मण्डलमा प्रतिनिधिसभा सदस्य देव गुरुङ, लक्ष्मी कुमारी चौधरी, राष्ट्रियसभा सदस्य प्रमिला कुमारी र अगम प्रसाद वान्तवा राई रहेका छन् ।

ससद सचिवालयका अनुसार उक्त प्रतिनिधि मण्डलमा संघीय संसदका महासचिव महासचिव डा. भरतराज गौतम, प्रतिनिधसभाका सचिव गोपालनाथ योगी, सभामुखको प्रमुख स्वकीय सचिव अर्जुन खत्री के.सी, कम्प्युटर अधिकृत सुरेशराज सेढाईँ तथा स्पेनस्थित नेपाली राजदूतावासका कार्यवाहक राजदूत अर्जुन अधिकारी पनि सहभागी हुने बताइएको छ ।

आइपीयू र स्पेनको संसदको आयोजनामा स्पेनको मेड्रिडमा यहि मंसिर १० देखि १४ गतेसम्म हुने उक्त १४३ औं आइपीयू सम्मलेनमा २८ नोभेम्बर ( आइतवार) का दिन सभामुखको सम्बोधन रहेको सचिवालयले जनाएको छ ।
सचिवालयका अनुसार सभामुखको टोली मंसिर १६ गते नेपाल फर्किने कार्यक्रम रहेको सभामुखको सचिवालयले जनाएको छ ।