हामी सबैकाे संसारन्यूज

काठमाडौं । नेपाल बार एशोसियशन र नागरिक समाजले आज सर्वोच्च अदालतको ढोकादेखि बालुवाटारसम्म मार्चपास गर्ने भएको छ ।

प्रधानन्यायाधिश चोलेन्द्र सम्शेर जवराको राजीनामाको माग गर्दै लामो समयदेखि आन्दोलनरत कानुन व्यवसायी र नागरिक समाजका अभियन्ताहरुले आज २ बजे सर्वोच्च अदालतको ढोकादेखि बालुवाटारसम्म मार्चपास गर्ने भएका हुन् ।

बारका अध्यक्ष चण्डेश्वर श्रेष्ठले बालुवाटारको आडमा प्रधानन्यायाधिशले आफ्नो हठ नत्यागेको आरोप लगाउँदै बालुवाटारलाई सुनाउनका लागि मार्चपासको आयोजना गरिएको बताएका छन् ।

त्यस्तै बृहद नागरिक आन्दोलनका अगुवा तथा पत्रकार नारायण वाग्लेले पनि उक्त मार्चमा सहभागी हुन सबैलाई अनुरोध गर्दै राजनीतिक नेतृत्वलाई संवैधानिक दायित्व पूरा गर्न दबाब दिने बालुवाटार न्याय मार्च गर्न लागेको बताएका छन् ।

‘न्यायलाई किनबेचको विषय बनाउने र बढाउने गरी व्याप्त बिचौलियाराज विरूद्व राजनीतिक नेतृत्वलाई संवैधानिक दायित्व पूरा गर्न दबाब दिने बालुवाटार न्याय मार्च । आज दुई बजे सर्वोच्च अदालत ढोकादेखि । सबै न्यायप्रेमीलाई सहभागिता निम्ति आह्वान !’ वाग्लेले भनेका छन् ।