Sansar News
काठमाडौं । एमालेभित्र पदाधिकारी चयनको विषय निकै पेचिलोपूर्णं बन्दै गएको छ । पार्टी अध्यक्ष केपी शर्मा ओली समूहमै दुई गुट बनेर नेतृत्व लिन हानथाप बढेपछि चयनको विषय पेचिलो बन्दै गएको हो ।
ओलीले सहमति भएको दाबी गरेपनि पदाधिकारी चयनको विषय थप पेचिलोपूर्णंं बनिरहेको छ । शनिबार दिउँसोसम्म सहमति जुटाउन गरिएको प्रयास व्यर्थ भएकाे नेताहरू बताउँछन् ।
विशेषतः वरिष्ठ उपाध्यक्ष र महासचिव पदको विषयमा नेताहरुबीच निकै पेचिलोपूर्णं दाबेदारी देखिएको छ । वरिष्ठ उपाध्यक्षमा ईश्वर पोखरेल र सुवास नेम्वाङले नछाड्ने र महासचिवमा विष्णु पौडेल र शंकर पोखरेल पनि नछाड्ने अडानमा देखिएका छन् ।
यता ओली गुटभित्रै समस्या देखिएको १० बुँदे समूह र बादल समूह अलमलमा परेको छ ।
सहमतिको सम्भावना न्यून हुँदै गएपछि उम्मेवारी घोषणा गरिसकेका केही नेता प्रतिनिधिसँग भोट माग्न थालेका छन् । बन्द सत्र सुरु हुँदै गर्दा भीम रावल, घनश्याम भुसाललगायतका नेताहरु भोट माग्दै हिँडेका थिए ।
सम्बन्धित समाचार
वि.सं.२०७८ मंसिर ११ शनिवार १७:३२ मा प्रकाशित
