१२ मंसिर, काठमाडौँ । आज मंसिर १२ (आइतबार ) गते ग्लोबल आइएमई बैंकको लाभांश सुरक्षित गर्ने अन्तिम दिन रहेको छ ।
साधारण सभा तथा लाभांश वितरण प्रयोजनार्थ बैंकले मंसिर १३ गते बुकक्लोज गर्दैछ । यस अनुसार आजसम्म नेप्सेमा कारोबार भइ कायम शेयरधनीहरुले मात्र बैंकले वितरण गर्ने लाभांश प्राप्त गर्न सक्नेछन् ।
ग्लोबल आइएमई बैंकको वार्षिक साधारण सभाले गत आर्थिक वर्षको मुनाफाबाट शेयरधनीहरुलाई कायम चुक्ता पूँजीको १० प्रतिशत बोनस शेयर र ३.५ प्रतिशत नगद लाभांश (कर सिहत) गरी कुल १३.५ प्रतिशत लाभांश वितरण गर्ने विशेष प्रस्ताव पारित गर्नेछ ।
वि.सं.२०७८ मंसिर १२ आइतवार १०:१८ मा प्रकाशित
