Sansar News
८ पुष, काठमाडौँ । नेपाल राष्ट्र बैंकले बैक तथा वित्तिय संस्थलाई थप कडाई गरेको छ । राष्ट्र बैंकले बैंक तथा वित्तिय संस्थाहरुले एटिएम लगायतका ठाउँहरु मार्फत गर्ने कारोबारको सम्पुर्ण विवरण राष्ट्र बैंकमा बुझाउनु पर्ने निर्देशन जारी गरेको हो ।
यो निर्देशन गत भदौमा केन्द्रीय बैंकले जारी गरेको भुत्तानी प्रणाली सम्बन्धी एकिकृत निर्देशन २०७८ को निर्देशन नं १० को अनुसूची १०.१ मा संशोधन गर्दै जारी गरेको हो ।
राष्ट्र बैंकको निर्देशन अनुसार अब देखि बैंक तथा वित्तिय संस्थाहरुले देहाय बमोजिमका ठाँउहरुबाट गरिने कारोबारको सम्पुर्ण विवरण राष्ट्र बैंकमा बुझाउनु पर्ने छ । यसअघि यस्तो नियम लागु गरिएको थिएन ।
केहि दिन अघिमात्र राष्ट्र बैंकले केहि वस्तुको आयातमा कडाई गर्न शतप्रतिशत देखि ५० प्रतिशतसम्म बैंकमा नगदै मार्जीन राख्नु पर्ने व्यवस्था गरेको थियो ।
याे पनि हेर्नुहाेस्
वि.सं.२०७८ पुस ८ बिहीवार १५:२३ मा प्रकाशित
