Sansar News
वि.सं.२०७८ माघ २९ शनिवार
837
shares
न तात्छ घाम ताप भै
न बल्छ अग्नि राप भै ।
बिहान साँझ पीर छ
चसक्क तीर झीर छ ।१।
न माघ माह शान्त छ
कठोर साथ क्राल्त छ ।
छरेर शीत बस्दछ
भएर मीत पस्दछ ।२।
हिमाल बन्छ लेकमा
प्रहार गर्छ एकमा ।
न दोस्त बन्छ यो कतै
र जीत गर्छ यो जतै ।३।
उराठ लाग्छ जिन्दगी
चिसो छ काल यो बढी ।
भयो छिटो तँ जा तँ जा
यता न आ यता न आ ।४।
लगिस् निकै हरेर ती
जवान वृद्ध मानिस ।
तँ काल हैन जान्दछु
समान काल ठान्दछु ।५।
छन्द – प्रमाणिक
मचिन्द्र खत्री, धरान, सुनसरी
वि.सं.२०७८ माघ २९ शनिवार ०८:३२ मा प्रकाशित
बस्, अहिले त एउटा घरको कोठामा बैश सकिएका श्रीमान् र...
सीता शर्मा पन्थी, वीरगन्ज पर्सा चाँडोचाँडो रिसाउने छ ,निकै तिम्रो...
बिमला चन्द सानू बैतडी हाल : काठमाडौं बद्लिन्छ रूप रेखा...
एलपी पराजुली, काठमाडौँ मुस्कान तिम्रो गजब छ नानी बन्दै दिवानी...
रमा खतिवडा मैनशिखा, पोखरा पिरोल्दै छ दिलभित्रको खतले म घायल...
सारिका बलामी ग्रीनहिल स्कुल दक्षिणकाली कक्षा ६ बन सुतली मेरी...
