Sansar News
काठमाडौं । प्रतिनिधिसभाको आज बसेको बैठक शोक प्रस्ताव पारित गर्दै शुक्रबार सम्मका लागि स्थगित भएको छ ।
आजको बैठकमा प्रधानमन्त्रीका तर्फबाट कानुन न्याय तथा संसदीय मामिलामन्त्री दिलेन्द्र प्रसाद बडुले थारु आयोगको तेश्रो बार्षिक प्रतिवेदन २०७७\०७८ पेश गरेका थिए ।
त्यस्तै बैठकले संविधान सभा तथा राष्ट्रियसभा सदस्य जगत बहादुर ताज पुरिया, लक्ष्मीदास मानन्धर र डा. दुमनसिंह थापाको निधनमा शोक प्रस्ताव पारित समेत गरेको छ ।
संसदको प्रमुख प्रतिपक्षी दल नेकपा एमालेले आजको बैठकमा पनि नाराजुलुश गरेर बैठक अवरुद्ध गरेको थियो ।
बैठकमा सभामुख अग्नि सापकोटाले संसद सुचारु गरेर छलफल र संवादमा आउन आग्रह समेत गरेका थिए ।
आजको बैठकमा अमेरिकी सहयोग परियोजना एमसीसी टेवुल गर्ने बताइए पनि शोक प्रस्ताव पारित गर्दै शुक्रवार सम्मका लागि बैठक स्थगीत गरिएको छ ।
वि.सं.२०७८ फागुन ४ बुधवार १३:५४ मा प्रकाशित
