Sansar News
लन्डन । बेलायतकी महारानी एलिजाबेथ द्वितीयालाई कोभिड-१९को संक्रमण भएको छ । तर उनमा सङ्क्रमणको लक्षण भने “हल्का” रहेको बताइएको छ । अहिले उनी आफ्नो विन्डसर क्यासल निवासमा आराम गरिरहेकी छन् ।
महारानीका जेठो छोरा र उत्तराधिकारी प्रिन्स चार्ल्सले फेब्रुअरी १० मा विन्डसरमा आफ्नी आमालाई भेटेको दुई दिन पछि उनी सङ्क्रमित भएकी खबर बाहिरिएको हो । “बकिङ्घम दरबारले विज्ञप्तिमार्फत उनी सङ्क्रमित भएकी पुष्टि गरेको छ ।”
उनले हल्का चिसो भएको जस्तो लक्षणहरू अनुभव गरिरहेकी बताइएको छ । उनले कोभिड विरुद्धको खोप भने लगाइसकेकी छन् ।
एएफपी
वि.सं.२०७८ फागुन ९ सोमवार १६:१५ मा प्रकाशित
