बाबु रोका, दिल्ली । नवलपरासी निवासी १७ बर्षिय (नाम परिवर्तन) पुष्पा खरेल गत चैत १० गतेको दिन कलेज गएकि त्यो दिन देखि लापता भइ १५ दिन पछि भारतको क्राइम यरिया अलिगढ स्थित गुन्डाहरुको चुङल बाट नेपाली देशभक्त आवाजका प्रतिनिधिहरुले ती नाबालिक लाई सकुसल उद्दार गर्न सफल रहेका छन |
भारत बाट नेपालमा तन्ना,कम्बल,कपडा आदि इत्यादिको ब्यापार गर्न हिडेका भारतीय ममडेनहरु ले नेपाली सोझा नारि तथा महिलाहरुलाई झुक्काएर फसाउने धन्दा गर्दै आएका दुइ भारतीय नागरिक रिहान र रिहासदले यी बालिकालाइ फसाएर भारत पुर्याइएको समाचारमा खुल्न आएको छ ।भारत पुर्याए पछि फोन गरेर फिरौती मागेको मोबाइल नम्बर ट्रयाक गरि ति बालिका भएको स्थान पत्ता लगाई बचाउन सफल रहेको थियो ।
पीडितले बताए अनुसार घटना फिल्मी स्टाइलमा भएको थियो भने ती बालिकालाइ पनि फिल्मी स्टाइलमा नै ती गिरोहको हातबाट निकाल्न सफल रहेकाछन नेपाली देशभक्त आवाजले गत फागुन देखि अहिलेको फागुन सम्म विभिन्न समस्या तथा बिचल्लीमा परेका १९ जना महिला तथा बालिकाको उद्दार गरेको छ ।
अहिलेको समयमा सबै मानिसहरु पैसाको पछि भागेका हुन्छन तर नेपाली देशभक्त आवाजका प्रतिनिधिहरु नेपाल र नेपालीहरुका निमित्त आफ्नो जिउज्यान बाजि लगाएर आफ्नै खल्ती बाट खर्च गरेर भएपनि निस्वार्थ भावानाले पिडितहरुलाइ उद्दार गर्न हरदम तयार रहेका हुन्छ्न यिनिहरुलाइ कुनै संघ संस्था सरकार या ब्याक्तिहरुले तलब भत्ता दिदैन तरपनी परेको खण्डमा यसरी एक्सन लिएर काम फत्ते गर्ने गरेकाछन ।
हाल दिल्ली एन सि आर क्षेत्रमा हरेक कामकाजमा अब्बल रहेको सो संस्थाले हरेक ब्याक्तिहरुका लागि परि आएको खण्डमा आफू सक्दो सहयोग गर्दै आएकोछ र आगामी दिनहरुमा पनि गरिरहने संस्थाका पदाधिकारीले बताएका छन् साथै हरेक नेपाली नारि तथा महिला दिदीबहिनीहरु यस्ता ब्याक्तिहरु संग सजक भएर बस्न सबैलाई अनुरोध गरेका छन् |
