हामी सबैकाे संसारन्यूज

१ फागुन, काठमाडौँ । साताको चौथो दिन सेयर बजार नेप्सेमा ६३ अकंले पहिरो गएको छ । आज सेयर बजार ६३ दशमलब ९८ अकंले घटेर २५४६ दशमलब ६० विन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि ११ दशमलब ५२ अकंले घटेर ४८८ दशमलब ६९ विन्दुमा पुगेको छ ।

आज कुल सूचिकृतमध्ये २२८ कम्पनीको ३ अर्ब ६२ करोड ११ लाख ४३ हजार ९७९ रुपैंया बराबरको ७६ लाख ५२ हजार २०४ कित्ता सेयर किनबेच भएको छ । तिनको कारोबारमा ५५ हजार १ सय १२ पटक लेनदेन भएको हो ।

कारोबार रकमको आधारमा नेपाल लाइफ इन्स्योरेन्स, नेपाल टेलिकम, अरुण भ्याली हाईड्रोपावर, अपी पावर, शिवम सिमेन्ट लगायतका कम्पनीहरु शिर्ष स्थानमा रहे भने कारोबार संख्याको आधारमा एचआईडिसिएल, अरुण भ्याली हाईड्रोपावर, अपी पवार, नेपाल इन्फ्रास्ट्रक्चर बैंक, नेपाल बैंक लगायतका कम्पनीहरु शिर्ष स्थानमा रहे ।

सबै भन्दा धेरै गुमाउनेमा हिमालयन जनरल इन्स्योरेन्स, युनाईटेड मोदी इर्दी एण्ड आरबी हाईड्रोपावर, ङादी ग्रुप पावर, नेशनल हाईड्रोपावर, सामलिङ्ग पावर लगायतका कम्पनीका लगानीकर्ताहरु परेका छन ।